極品廣告
2006年01月17日Roadshow 上的廣告向來有個特色， 就是極盡娛樂和出位之能事， 在其他媒體上絕對難以看到， 近期當代書院有個廣告， 絕對稱得上是 ad of the year， 和去年的版本相比， 更攪笑， 算是相當的進步…
一個成功的廣告， 必需達致以下的效果︰
Attention︰這個廣告絕對可以 grab attention， 一來坐上巴士已經「硬食」 Roadshow， 二來如此震撼的廣告， 相信就算放在那個媒體都同樣收效。 服裝 / 造型 / 動作 / 台詞 一致地震撼， 相信台前幕後必定花了唔少心思， 務求一擊即中。
Impression︰絕對成功。 無人可以忘記這個廣告， 印象之深刻直迫當年的金龍船作品。 有理由期待明年的版本， 可以要上太空先得喇。
Message︰除「會考無難度」外， 令人印象深刻的還包括「你知唔知咩叫會考中文？」以及「我既筆記中英對照！」。 會考中文係乜？ 我點知。 斷估唔係英文卦。 至於中英對照， 好難想像， 除左中文同埋中史外， 有邊科筆記係唔應該中英對照呢？
Encourage Trial︰唔係講笑， 如果我係應屆會考生， 我真係會去補番一個月， 當係睇賀歲片都好丫。
(0)