(0)am730 咭片
2006年09月21日
am730 的咭片， 仿報紙版面設計， 作為傳媒機構， 比傳統的咭片設計好得多。
我都明白呢個係第一日報紙版面， 理應好有記念價值， 不過， 用呢段新聞襯咭片， 好奇怪呀。 唔該可唔可以用另一日報紙呀？ 或者虛構一日版面出黎啦， 又或者好似某扮正義傳媒咁， 連特手都擺埋上枱啦
老細老細， 火星好危險呀， 我可唔可以返地球呀？
我的老細 & 大佬
2006年09月19日老細︰ 你尋日有冇出去 reception 度坐？
我︰ 有丫，不過其實男仔出 reception 都好奇怪喎
老細︰ 其實只係當阿A冇返， 阿B又病左時先會叫你出去坐一陣o者
我︰ 哦… 咁其實機會好細咋
老細︰ 出去坐下都係好事黎架， 做 reception 識得人多嘛
===
我︰ 我見到你頭先 in 人喎（in 我個位）， 係要黎頂邊個位架？
大佬︰ 哦冇， 我 in 定先o者
===
我︰ 你叫我翻譯呢封英文信做中文， 寄去英國既
大佬︰ 咦， 做乜個地址冇譯到做中文？
是日驚嚇︰ 龍虎門篇
2006年08月14日
點解你要學現袋恆宇淫龍拳呀？ 因為夠柒囉！ 點解你要學現袋恆宇淫龍拳呀？ 因為夠 MK 囉！ 點解你要學現袋恆宇淫龍拳呀？ 因為夠邪囉！
認真問︰ 到底中間個黑洞係乜黎？
維港熄燈行動
2006年08月08日敬啟者︰
本公司向來支持環保， 更視環保工作為我們使命的一部分， 日前得知某團體呼籲 8 月 8 日晚上 8 點熄燈 3 分鐘， 本公司登時如雷貫耳， 頓感此行動實為愛護地球、 保家衛國、 建立和諧、 強政勵治、 反清復明之舉， 經此一役從此中國必再無東亞病夫矣。
為響應此熄燈行動， 本公司在辦公室內大力推行， 特別製作大批精美的宣傳單張予公司每位員工， 並印製大量海報張貼於辦公室各當眼地方， 告知各同事保護環境之重要。 而為了使參加人數更多， 令行動更具後七一民主之效， 本公司特別購入 3 台電腦及 1 台電郵伺服器， 每天 24 小時不停發出電郵予業界人士， 鼓勵他們參加是次行動。 至於各界市民方面， 由於伺服器難以負荷， 所以我們印製大量小冊子並以郵件方式寄出， 估計現時已有超過數萬名市民收到我們的宣傳品， 我可以肯定今次行動的參與人數將會非常多， 令行動更成功， 更能代表民意。
由於全港熄燈 3 分鐘後重開時可能會引起電壓負荷問題而令供電系統故障， 引致各種意外， 本公司特別成立小組以商討對策。 小組由各部門派員組成， 經過多個星期在公司通宵的會議後， 該小組交出長達 300 頁紙的報告， 並已將副本交予各員工詳閱。 報告建議的措施包括購入多台不斷電（UPS）裝置以備不時之需， 而為避免有員工於停電時困 lift， 當晚更會強制員工留在辦公室工作直至 8:15 確認市面無危險為止， 熄燈其間將會由 UPS 供電以確保員工工作不受影響。
本公司向來致力環保工作， 至今已取多多項由環保組織及 ISO 頒發的証書， 更獲政府連續 7 年頒發「良心企業」証書， 足以証明本公司對社會服務不遺餘力。 本公司最後祝願今晚熄燈行動順利， 參與者眾多。
2006 年 8 月 8 日
副本寄︰入境事務處 土木工程拓展署 土地註冊處 大學教育資助委員會秘書處 工業貿易署 公司註冊處 公務及司法人員薪俸及服務條件諮詢委員會聯合秘書處 水務署 民政事務總署 民航處 民眾安全服務隊 地政總署 投資推廣署 房屋委員會及房屋署 法律援助署 知識產權署 社會福利署 屋宇署 建築署 律政司 政府化驗所… （族繁不及備載）
點解香港只有 1 / 3 / 8 / 9 / 10 號風球？
2006年08月03日記得有人講過幾十年前香港係有齊 1 / 3 / 5 / 7 / 8 / 9 / 10 號風破既。 而家得番 1 / 3 / 8 / 9 / 10， 點解？
因為反正只會掛 1 / 3 號， 咁仲要咁多黎做乜呢？ 8 號風球只係要黎話俾大家聽︰ 連天文台都頂唔順喇， 你地自己執生啦。
至於 9 號同 10 號， 其實只係想話俾大家聽， 天文台D儀器已經吹壞左。